«Реал» ҳужумчиси Килиан Мбаппе янги мавсум бошланиши арафасидаги машғулотлар жараёни ҳақида фикр билдирди.
Франциялик футболчи «Реал»нинг мавсумолди ўртоқлик баҳсларида иштирок этмади. У яқинда таътилдан қайтиб, жамоа ихтиёрига етиб келди.
«Мен бор кучимни беришга ҳаракат қиляпман, чунки ҳозир имкон қадар янада жиддийроқ машғулот ўтказиш керак бўлган давр. Кейин, баҳслар бошлангач, тикланиш ва юкламани тўғри тақсимлаш биринчи ўринга чиқади. Мавсум бошланиши олдидан яхши спорт формасига кириш ва Ла Лигадаги илк баҳсга тўлиқ тайёр ҳолда етиб бориш муҳим», — дея Мбаппенинг сўзларини The Touchline келтирди.
Маълумот учун, 27 ёшли футболчи ўтган мавсум Испания чемпионатининг энг яхши тўпурари бўлиб, 25 та гол урган.
