Мадриднинг «Реал» клуби дарвозабони Андрей Лунин фаолиятини Италия чемпионатида давом эттириши мумкин.
Инсайдер Николо Скиранинг ёзишича, 27 ёшли футболчи хизматлари Туриннинг «Ювентус» клубига таклиф қилинган. «Кекса синиора» вакиллари ушбу келишув борасида ҳали бир қарорга келиб улгурмаган. Аввалроқ ҳам «Ювентус» «қаймоқранглилар» дарвозабонига қизиқаётгани ҳақида хабарлар тарқалганди, аммо расмий иш таклифгача етиб бормаган эди.
Маълумот учун Андрей Лунин 2018 йилдан буён «Реал» сафида тўп тепиб келади. Умумий ҳисобда украиналик посбон мадридликлар сафида 74 та ўйинда майдонга тушиб, 91 та гол ўтказиб юборган. Жумладан ўтган мавсум 12 бор майдонга тушди (21 та гол қўйиб юборди).
Дарвозабоннинг «қироллик клуби» билан амалдаги шартномаси 2030 йил ёзигача мўлжалланган.
