«Манчестер Сити» бош мураббийи Энцо Мареска «Арсенал»га қарши Англия суперкубоги учун кечадиган баҳс ҳақида фикр билдирди.
«Шахсан мен учун бу муҳим соврин. Финал олдинда турган пайтда доимо ғалаба қозонишга ҳаракат қиласиз.
Шунинг учун бу ерда ҳеч қандай ўртоқлик учрашуви йўқ. Биз кубокни қўлга киритиш, мавсумдаги илк совринимизни ютиш учун қўлимиздан келган барча ишни қиламиз.
«Арсенал» сўнгги 5 йил давомида доимо энг яхши жамоалар қаторида бўлиб келмоқда. Бу Микел Артета томонидан жуда яхши бошқарилаётган ажойиб жамоа.
Ўтган мавсумда улар АПЛда ғолиб бўлишди ва ҳозир қанчалик кучли эканликларини кўрсатишди. Бироқ шу билан бирга, биз «Манчестер Сити»миз. Биз доим энг юқори ўринлар учун курашишда давом этишга ҳаракат қиламиз», — дея Маресканинг сўзларини келтиради клуб матбуот хизмати.
Маълумот ўрнида, Англия суперкубоги учун баҳс 16 август куни Кардиффда бўлиб ўтади ва Тошкент вақти билан 19:00 да бошланади. Аввалроқ Мареска «Манчестер Сити»да мураббий учун идеал муҳит яратилгани ҳақида гапириб ўтганди.
