«Милан» бош мураббийи Рубен Аморим Кристофор Нкунку, Юссуф Фофана, Фикаё Томори ва Давид Одогуни жамоа таркибидан четлатиш қарорига изоҳ берди. Аввалроқ ушбу футболчилар мавсумолди тайёргарликни жамоа билан бирга ўтказганига қарамай, машғулотлардан четлатилгани ва трансферга қўйилгани ҳақида хабар берилганди.
«Улар мавсумолди тайёргарликда ўзларини жуда яхши кўрсатишди, аммо танлов қилишимиз керак. Биз ўзгаришлар қилмоқдамиз ва ҳозир жиддий ўзгаришларни амалга ошириш жуда муҳим. Лойиҳанинг бошланиш босқичидамиз, шунингдек, бир нечта ёш футболчиларимиз бор ва уларга имконият яратишимиз керак.
Аммо шуни айтмоқчиманки, улар мавсумолди тайёргарликда ҳақиқатан ҳам яхши ҳаракат қилишди. Бироқ мавсумга тайёргарлик кўришимиз керак. Қарийб 40 нафар футболчи билан тайёргарлик кўришнинг имкони йўқ. Шу сабабли йигитлар учун афсусдаман, аммо буни амалга оширишимиз керак», — дея Аморимнинг сўзларини La Gazetta dello Sport келтирди.
