«Парма» дарвозабони Зион Сузуки «Астон Вилла»га ўтишга рози бўлди. Бу ҳақда журналист Бен Жейкобс хабар берди.
Аввалроқ япониялик футболчининг «ПСЖ»га трансфери агентларининг юқори молиявий талаблари сабаб амалга ошмагани маълум бўлганди. Шундан сўнг «Астон Вилла» италиялик клуб билан боғланди.
Англия жамоаси Сузуки учун 35 миллион евро тўлашга тайёр. Айни пайтда клублар ўртасидаги музокаралар илғор босқичга етган.
25 ёшли дарвозабоннинг ўзи ҳам Бирмингҳэм клубига ўтишга розилик берган. Энди томонлар трансфер шартларини якуний келишиб олиши керак.
