«Манчестер Юнайтед» бош мураббийи Майкл Кэррик АПЛ 34-тур доирасидаги «Брентфорд»га қарши ўйин (2:1)дан сўнг ўз фикрларини билдириб ўтди.
«Биз беллашувни ажойиб бошладик. Рақибга тан бериш керак — жуда яхши жамоа. Кейин улар ўйинга қайтишди ва танаффусгача яхши ҳаракат қилишди, шунинг учун иккинчи бўлимда айрим ўзгартиришлар киритдик.
Баҳс охирига яқин уларда бир нечта имкониятлар бўлди, аммо менимча, бугун футболчиларимизнинг руҳи, ҳаракати ва жамоавийлиги юқори даражада бўлди.
Мавсумнинг айнан шундай палласида натижа ҳал қилувчи аҳамиятга эга ва биз очко тўплашимиз керак эди.
Энди жамоамизни қийин лигадаги мураккаб финиш кутмоқда. Биз бу қадар кўп ғалабалардан жуда хурсандмиз.
Бугун биз учун уч очко жуда муҳим эди. Бу яна бир ғалаба. Олдинда «Ливерпул»га қарши муҳим беллашув кутиб турибди ва биз буни сабрсизлик билан кутяпмиз», — деди мураббий Sky Sports эфирида.
