Adidas ЖЧ-2026 финали учун расмий тўпни тақдим этди

Adidas компанияси ЖЧ-2026 яримфинал ва финал учрашувларида қўлланиладиган расмий Trionda Final тўпини тақдим қилди.

Ишлаб чиқарувчи ижтимоий тармоқларда тақдимот ролигини эълон қилиб, унга қуйидаги изоҳни қолдирган:

«Hard launch. Жаҳон чемпионати ярим финаллари ва финали учун расмий ўйин тўпи — Trionda Final билан танишинг. Сотувлар 7 июлдан бошланади».

Янги дизайн мундиалнинг ҳал қилувчи босқичлари учун махсус ишлаб чиқилган бўлиб, турнирнинг расмий тўпининг якуний версияси ҳисобланади.