«ПСЖ» бош мураббийи Луис Энрике Португалия – Испания учрашуви олдидан ўз фикрлари билан ўртоқлашди.
«Умид қиламанки, Испания тарихида иккинчи бор жаҳон чемпионига айланади. Агар Испания Португалияни мағлуб этса, бу «ПСЖ» учун ҳам фойдали бўлади. Чунки менинг уч нафар футболчим таътилга эртароқ чиқиш имкониятига эга бўлади», — деди Луис Энрике.
Маълумот учун, португалиялик сафида Париж клубининг уч нафар аъзолари – Витиня, Жоау Невеш, Нуну Мендеш тўп тепади. Португалия турнирдаги иштирокини якунлаган тақдирда, улар клуб ихтиёрига эртароқ қайтиб, янги мавсумга тайёргарликни бошлашлари мумкин.
