Франция миллий жамоаси бош мураббийи Дидие Дешам 2026 йилги жаҳон чемпионати яримфинал босқичи доирасидаги Испанияга қарши ўйин олдидан ўз фикрлари билан ўртоқлашди.
«Испания тўпни назорат қилишга ҳаракат қилади. Улар мундиалда атиги битта гол ўтказиб юборишди, чунки рақиблар учун улардан тўпни олиб қўйиш жуда қийин бўлди.
Биз ҳам ўйинни назорат қилишни яхши кўрамиз. Бу учрашувда икки хил услуб тўқнаш келади ва улардан бири финалга йўл олади», — деди Дешам.
Маълумот ўрнида, 14 июлдан 15 июлга ўтар кечаси Франция ва Испания мундиалнинг биринчи финалчиси бўлиш учун куч синашади. Учрашув Тошкент вақти билан соат 00:00 да бошланади.
Аввалроқ Дешам Испанияни ушбу баҳсда фаворит эканини айтиб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади