Роберто Де Зерби АПЛ 1-турида «Брентфорд»га 0:3 ҳисобида мағлуб бўлганидан сўнг «Тоттенҳэм» ҳали тўлиқ шаклланган жамоага айланмаганини таъкидлади.
«Биз ҳали жамоа эмасмиз. Бунинг кўплаб сабаблари бор.
Ўйиндан олдинги матбуот анжуманида мендан мақсадимиз нима эканини сўраганингизда, мен жамоага айланганимиздан кейингина мақсадни белгилашимиз мумкинлигини айтгандим. Жамоага айланишдан олдин нималарга қодир эканимизни айта олмаймиз», — деди Де Зерби.
Эслатиб ўтамиз, «Тоттенҳэм» АПЛнинг 1-турида сафарда «Брентфорд»га 0:3 ҳисобида йирик мағлубиятга учради. Лондонликлар учрашув давомида жамоавий ҳаракат ва жисмоний тайёргарлик борасида муаммоларга дуч келган.
Шунингдек, ёзги трансферлар вақтида таркиб сезиларли даражада янгиланди ва бир нечта янги футболчилар «Брентфорд»га қарши баҳсда дебют қилди. Шу сабаб Де Зерби жамоанинг бир-бирига мослашиши учун вақт кераклигини таъкидламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади