«Барселона» ва «Тоттенҳэм» «Монако» ҳамда АҚШ миллий жамоаси ҳужумчиси Фоларин Балогунга қизиқиш билдирмоқда. Бу ҳақда L'Equipe хабар берди.
Манбага кўра, 25 ёшли футболчи жорий ёзда «Монако»ни катта миқдордаги трансфер эвазига тарк этиши мумкин. «Барселона» яқинда Балогун номзодига қизиқиш билдирган.
Эслатиб ўтамиз, Балогун ўтган мавсумда «Монако» сафида барча турнирларда 43 та учрашувда майдонга тушиб, 19 та гол урган ва 5 та голли узатмани амалга оширган.
Маълумот учун, футболчининг «Монако» билан амалдаги шартномаси 2028 йил ёзигача мўлжалланган. Тransfermarkt Балогуннинг бозор қийматини 50 миллион еврога баҳоламоқда. 2026 йилги жаҳон чемпионатида эса ҳужумчи 4 та баҳсда 3 та гол урган.
