«Арсенал» бош мураббийи Микел Артета жамоанинг янги ҳужумчиси Христос Цолиснинг клубнинг собиқ футболчиси Алексис Санчес билан таққосланишига муносабат билдирди.
«Менга жамоамизда бор-йўғи бир неча ҳафтадан бери бўлаётган футболчининг тўпга эга бўлганида ҳар сафар энергия билан ҳаракат қилиши ёқади. Менимча, Христос бундай таққослашга лойиқ. Унинг сўнгги бир неча учрашувдаги ўйини феноменал бўлди.
У жуда фаол ва вазиятлар яратишга интилади. Майдоннинг сўнгги 30 метрида, ҳатто бўш жой жуда чекланган вазиятларда ҳам тўғри қарор қабул қилиш учун унинг ҳаракатлари хилма-хил. Мен ундан жуда таъсирландим», — деди Артета.
Эслатиб ўтамиз, Христос Цолис жорий ёзги трансфер ойнасида «Арсенал» таркибига қўшилган.
Маълумот учун, Алексис Санчес 2014–2017 йилларда «Арсенал» сафида тўп тепиб, 166 та учрашувда 80 та гол урган.
