Нидерландиялик марказий ҳимоячи, Истанбулнинг «Фенербаҳче» клуби аъзоси Жейден Остерволденинг клуб рўйхатини ўзгартириш имконияти бор, деб хабар бермоқда инсайдер Экрем Конур.
25 ёшли футболчи Италия А Сериясига кўчиб ўтиши мумкин, у ерда Римнинг «Рома» клуби Жейденнинг хизматларига қизиқиш билдирмоқда.
Transfermarkt портали футболчининг актуал трансфер нархини 17 миллион еврога баҳоламоқда. Унинг турк клуби билан амалдаги шартномаси 2028 йил июн ойи охирида тугайди.
Маълумот учун, Туркия чемпионатининг ўтган мавсумида ҳимоячи «Фенербаҳче» сафида 31 та ўйинда майдонга тушган. Нидерландиялик футболчи 11 та сариқ карточка олди ва 1 марта майдондан четлатилган.
