«Барселона» Жоау Канcелуни Ла Лиганинг янги мавсумидаги илк баҳсгача рўйхатдан ўтказиш масаласида хотиржамликни сақламоқда. Аввалроқ каталонияликлар португалиялик ҳимоячининг «Ал Ҳилол»дан трансферини расман эълон қилганди.
Jijantes FC маълумотига кўра, «Барселона» Канcелуни яқин бир неча соат ичида рўйхатдан ўтказишига ишонмоқда. Шундан сўнг бош мураббий Ҳанс-Дитер Флик футболчини Испания чемпионатининг янги мавсумидаги илк баҳс учун қайдномага киритиши мумкин.
Маълумот учун, «Барселона» 23 август куни Ла Лига 1-турида сафарда «Элче»га қарши баҳс олиб боради. Учрашув Тошкент вақти билан 01:30 да бошланади.
