«Милан» раҳбариятининг маслаҳатчиси Златан Ибраҳимович Лука Модричнинг клуб билан шартномасини узайтиргани ҳақида фикр билдирди.
— Лука ҳақида бир неча сўз айта оласизми?
— Лука — маестро. Мен учун у шунчаки футбол ўйнамайди. Унинг ўзи футбол. Унинг ўйинини томоша қилиш менга ёқади. Жаҳон чемпионатида Америкада ишлаганим ва унинг Хорватия сафидаги ўйинидан завқланганим мен учун омад бўлган.
Луканинг «Милан»да яна бир йил қолишидан хурсандман. Айтишим мумкинки, у ўтган мавсумда жамоанинг энг яхши футболчиси бўлди.
У имкон қадар узоқроқ ўйнашда давом этиши керак. Чунки мен ҳам шунга ўхшаш вазиятни бошдан кечирганман. Қанча вақт ўйнашим керак? Фаолиятимни чўққида якунлашим керакми? Аммо ўшанда ўзимга: «Имкон қадар узоқроқ ўйна, чунки тўхтаган кунинг пушаймон бўласан», дегандим. Эртаси куни эса: «Яна узоқроқ ўйнашим мумкин эди», деб ўйлайсан.
Айтганимдек, биз «Милан»да унинг жамоамизда эканидан жуда хурсандмиз. Лука ҳам бундан жуда мамнун, — деди Ибраҳимович.
Эслатиб ўтамиз, Лука Модрич «Милан» билан шартномасини яна бир йилга узайтирган.
Маълумот учун, 40 ёшли хорватиялик яримҳимоячи ўтган мавсумда «Милан»нинг энг муҳим футболчиларидан бири бўлган.
