«ПСЖ» «Ливерпул» қизиқиш билдираётган вингер Ибраҳим Мбайе трансфери учун 70 миллион евро талаб қилмоқда. Бироқ бу сумма музокаралар учун бошланғич нарх сифатида кўрилмоқда. Бу ҳақда RMC Sport хабар берди.
Манбага кўра, «Ливерпул» 18 ёшли футболчини 50 миллион еврога баҳоламоқда ва Мбае учун ҳатто 60 миллион евро тўлашга ҳам тайёр эмас. Шу билан бирга, Мерсисайд клуби футболчининг ўзи билан шахсий шартнома шартларини келишиб олган.
Эслатиб ўтамиз, Мбайе «ПСЖ» академияси тарбияланувчиси ҳисобланади. У ўтган мавсумда барча турнирларда 31 та учрашувда майдонга тушиб, 3 та гол урган ва 2 та голли узатмани амалга оширган.
Маълумот учун, Ибраҳим Мбайенинг «ПСЖ» билан амалдаги шартномаси 2028 йил ёзигача мўлжалланган. Тransfermarkt футболчининг бозор қийматини 30 миллион еврога баҳоламоқда.
