Англиянинг «Ливерпул» клуби яримҳимоячиси Кёртис Жонс Милан шаҳрига етиб борди ва «Интер» клубига трансферини якунлаш арафасида. Англиялик футболчи тиббий кўрикдан ўтиши ва янги жамоаси билан шартномага имзо чекиши зарур. Бу ҳақда журналист Николо Скира ўзининг ижтимоий тармоқлардаги саҳифалари орқали хабар берди.
Манбанинг ёзишича, «Интер» 24 ёшли футболчи учун 30 млн евро тўлайди, яна 5 млн эса бонус кўринишида қайд этилган. Шунингдек, «Ливерпул» Жонснинг эҳтимолий кейинги трансфер суммасининг 10%га эгалик қилади. Футболчи ва миланликлар ўртасидаги шартнома 2031 йилгача мўлжалланган бўлиши айтилмоқда.
Ўтган мавсум хавбек барча мусобақаларни инобатга олганда 49 та ўйинда 3 та гол урди ва шерикларига 3 та голли узатма етказиб берди.
Transfermarkt портали Кёртиснинг актуал трансфер нархини 35 млн еврога баҳоламоқда.
Маълумот учун, Жонс шанба куни «Сан-Сиро»да бўлиб ўтадиган ўйинга ташриф буюриши ҳамда «Монца»га қарши ўйинда янги жамоадошларини қўллаб-қувватлаши кутилмоқда.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади