«Брайтон» Янкуба Минтени «Ливерпул»га қўйиб юборишдан бош тортди.
The Athletic маълумотига кўра, «қизиллар» 22 ёшли вингер учун 50 миллион фунт таклиф қилган, аммо «чайкалар» бунга рози бўлмаган.
Айни пайтда Минте «Рома»га қарши ўртоқлик баҳсида олган жароҳати ва ўтказган операциясидан кейин тикланиш жараёнини бошдан кечирмоқда. У яна тахминан 8 ҳафта майдонга туша олмаслиги кутилмоқда. Шу билан бирга, трансфер шартлари бўйича томонлар келишиб олса, футболчи жамоасини ўзгартиришга тайёр.
Ўтган мавсумда гамбиялик футболчи АПЛда 34 та ўйин ўтказиб, 3 та гол урган ва 4 та голга ассистентлик қилган.
Маълумот учун, «Брайтон» Минтени 2024 йил ёзида «Нюкасл»дан деярли 35 миллион фунтга сотиб олганди.
«Брайтон» Минтени «Ливерпул»га 50 млн фунтга сотмади
Футбол
21 август, 04:51
Мерсисайдликлар гамбиялик вингер трансфери бўйича рад жавобини олишди.
Foto: Getty Images
