«Барселона» Португалия миллий жамоаси ва «Спортинг» ҳимоячиси Гонсалу Инасуга қизиқиш билдирмоқда. Мundo Deportivо Ноw Canal манбасига таяниб хабар беришича, каталонияликлар 24 ёшли футболчини Жюл Кунде ва Алекс Балде клубни тарк этиши эҳтимолига қарши вариант сифатида кўриб чиқмоқда.
Инасунинг «Спортинг» билан шартномасида футболчини 60 миллион еврога қўлга киритиш имконини берувчи товон пули белгиланган. Унинг амалдаги шартномаси 2030 йил ёзигача мўлжалланган.
Португалия миллий жамоаси сафида Инасу 22 та учрашувда майдонга тушиб, 2 та гол урган. Ўтган мавсумда эса «Спортинг» таркибида барча турнирларда 46 та баҳс ўтказиб, 3 та гол ва 3 та голли узатмага муаллифлик қилган.
Тransferamrkt футболчининг бозор қийматини 40 миллион еврога баҳоламоқда.
