«Атлетико» ҳужумчиси Хулиан Алвареc бош мураббий Диего Симеоне ва клуб бош директори Мигел Анхел Хил Мариннинг вазиятга муносабатидан норози. АS хабарига кўра, футболчи ва унинг атрофидагилар мавжуд вазият ҳал бўлган деб ҳисобламаяпти.
Манбага кўра, Алвареc «Атлетико»ни тарк этиб, «Барселона»га ўтишни қатъий истамоқда. Аргентиналик футболчи клубга кетиш ниятини ўтган йилнинг март ойида билдирган. Шундан сўнг Хил Марин Алвареc учун 150 миллион евролик таклиф келган тақдирда уни қўйиб юбориш бўйича ёзма мажбурият олгани айтилмоқда.
Бундан ташқари, айнан «Атлетико» бош директори футболчидан жаҳон чемпионати вақтида клубни тарк этиш истагини омма олдида билдиришни сўрагани ҳақида хабар берилган.
Алвареc «Атлетико» раҳбариятининг вазиятга муносабатини тушунмаяпти ва клубнинг қатъий позициясидан ҳафсаласи пир бўлган. Хил Марин сўнгги кунларда ҳужумчи ва унинг агенти билан учрашишдан бош тортган. Пайшанба куни эса у Алвареcни трансфер масаласида ҳеч қандай муросага бормаслигини билдирган.
Шунга қарамай, Хулиан трансфер ойнаси ёпилгунига қадар «Барселона»га ўтишни таъминлаш ниятида. Бироқ футболчи бу йўлда кескин чоралар кўрмоқчи эмас.
