«Ливерпул» «Кристал Пэлас» вингери Исмаила Саррни трансфер қилиш вариантини кўриб чиқмоқда. Бу ҳақда журналист Невзат Диндар хабар берди.
Манбага кўра, мерсисайдликлар 28 ёшли футболчи учун «Галатасарой» билан рақобатлашиши мумкин. Туркия клуби бош мураббийи ҳам Саррни ўз жамоасида кўришни истамоқда.
«Кристал Пэлас» сенегаллик футболчини сотишни истамаяпти. Бироқ Саррнинг ўзи клубни тарк этишга мойил экани айтилмоқда.
Сарр ЖЧ-2026да Сенегал миллий жамоасининг энг яхши тўпурари бўлди. У турнирдаги 4 та учрашувда 4 та гол урган.
Маълумот учун, Сарр ўтган мавсум «Кристал Пэлас» сафида барча мусобақаларда 45 та учрашувда майдонга тушиб, 21 та гол ва 2 та ассист қайд этган. Унинг клуб билан амалдаги шартномаси 2029 йил ёзигача мўлжалланган. Тrasnfermarkt футболчининг бозор қийматини 45 миллион еврога баҳоламоқда.
Эслатиб ўтамиз, Сарр «Кристал Пэлас» сафида ўтган мавсум жамоанинг энг яхши тўпурарига айланган ва Конференциялар лигасида «Олтин бутса» соҳиби бўлган.
