Мадриднинг «Атлетико» клуби Чемпионлар лигаси яримфинал жавоб баҳси олдидан «Арсенал» мухлислари ҳаракати юзасидан УEФАга расмий мурожаат қилди. Бу ҳақда Маrса хабар берди.
Манбага кўра, ҳодиса тунги соат 01:30 атрофида юз берган. Лондонлик мухлислар жамоа жойлашган меҳмонхона яқинида феерверк ёқиб, футболчиларнинг дам олишига халақит берган.
«Атлетико» вакиллари бегона шахслар жамоа яшаётган ҳудудга бемалол яқинлашганидан норози бўлган. Клуб бундай ҳолат хавфсизлик қоидаларига зид эканини ва муҳим баҳс олдидан тайёргарликка салбий таъсир кўрсатишини таъкидламоқда.
Эслатиб ўтамиз, жамоалар ўртасидаги жавоб баҳс бугун, 5 май куни Лондонда бўлиб ўтади. Дастлабки ўйин Мадридда 1:1 ҳисобида якунланган.
