«Арсенал» Нелсон билан шартномани бекор қилди

Рис Нелсон «Арсенал»ни тарк этди

Лондон клуби 26 ёшли яримҳимоячи билан шартномани бекор қилди.

Нелсон — «Арсенал» тарбияланувчиси. У 2007 йилдан буён клуб тизимида ўйнаб келган ва ҳозирги жамоада Арсен Венгер давридан қолган сўнгги футболчи эди. Рис «тўпчилар»нинг асосий жамоаси сафида 90 та баҳсда майдонга тушиб, 8 та гол урган ва 9 та голли узатмани амалга оширган.

Англиялик футболчи 4 марта ижара асосида бошқа клубларга ўтган. Ўтган мавсумни эса «Брентфорд»да ўтказиб, АПЛ доирасида 10 ўйинда 1 та голга ассистентлик қилганди.