«Барселона» ва «Манчестер Сити»нинг собиқ яримҳимоячиси Яя Туре «Слован»ни Чемпионлар лигасининг асосий босқичига олиб чиқди ва мусобақада бундай натижага эришган биринчи африкалик мураббий бўлди.
Братислава клуби турнир саралашининг сўнгги босқичида икки ўйин натижасига кўра Словениянинг «Целе» жамоасини 3:2 (1:1, 2:1) ҳисобида мағлуб этди. Жавоб беллашувида словакияликлар ғалаба голини қўшимча вақтда уришди.
Баҳсдан сўнг клуб ғалабадан кейинги кийиниш хонасидан видеони намойиш қилди: футболчилар Туренинг номини айтиб олқишлашди, мураббий эса жамоа билан бирга рақсга тушди.
Ивуарлик 43 ёшли мутахассис 2026 йил ёзида «Слован» бош мураббийи этиб тайинланган. Бу унинг бош мураббий сифатидаги илк тажрибаси ҳисобланади.
Туре футболчи сифатида 2008/09 йилги мавсумда «Барселона» таркибида Чемпионлар лигасида ғолиб чиққан.
Яя Туре — жамоасини ЕЧЛ асосий босқичига олиб чиққан илк африкалик мураббий
Футбол
28 август, 00:57
«Слован» устози тарихга кирди. Саралашдаги ғалабадан сўнг футболчилар унинг номини айтиб, олқишлашди.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади