«Реал» бош мураббийи Алваро Арбелоа «Хетафе»га қарши Ла Лиганинг 26-туридаги мағлубият (0:1)дан сўнг жамоа чемпионлик учун курашишда давом этишига ишонаётганини таъкидлади. Айни пайтда мадридликлар пешқадам «Барселона»дан 4 очкога ортда қолмоқда.
«Ла Лига ҳали тугагани йўқ, биз охиригача курашамиз. Олдинда яна қўлга киритиш мумкин бўлган 36 очко бор.
Ҳозир атиги 4 очкога ортдамиз, уларни йўққа чиқаришимиз мумкин. Бу — «Реал». Бизнинг вазифамиз — қолган 36 очкони қўлга киритиш. Виго шаҳридаги кейинги учрашувда ғалаба қозонишимиз шарт.
Клубда ҳеч ким таслим бўлмайди. Футболчиларни айбламанг, натижа учун жавобгарликни мен ўз зиммамга оламан», — деди Арбелоа.
