Ромеро — «Атлетико» футболчиси (Романо)

«Тоттенхэм» сардори Кристиан Ромеро фаолиятини «Атлетико»да давом эттиради.

Аргентиналик журналист Гастон Эдулнинг маълум қилишича, Аргентина миллий жамоасининг 28 ёшли ҳимоячисининг трансфери келишилган.

Фабрицио Романо ҳам клублар ўртасида келишувга эришилганини тасдиқлади. Бонусларни ҳисобга олган ҳолда трансфер қиймати 40 миллион еврони ташкил қилади.

Манбага кўра, «Интер» билан музокаралар июл ойидаёқ барбод бўлганди. «Барселона» эса бир неча кун олдин музокараларни давом эттирмасликка қарор қилди. «Тоттенҳэм» ўз футболчисини «Арсенал»га сотишни ҳам режалаштирмаган.

Ромеро 2022 йилдан буён «тақачилар» сафида тўп тепиб келаётганди ва клуб билан 2024/25 йилги Европа лигасида ғолиб чиққан.

Жаҳон чемпиони ўтган мавсумда АПЛда 23 та ўйинда майдонга тушиб, 4 та гол урди, 1 та голли узатмани амалга оширди, 9 та сариқ ва 2 та қизил карточка олди. 2026 йилги Жаҳон чемпионатида эса 7 та ўйинда 1 та гол урди ва 2 та огоҳлантириш олди.