Клублар футболидаги энг яхши мураббийлар рейтинги тузилди — Энрике биринчи, Пеп иккинчи (топ-20)

ESPN нашри клублар футболидаги энг яхши мураббийлар рейтингини тузди.

Рўйхатдан 30 нафар мутахассис ўрин олди. Номзодлар олтита мезон асосида баҳоланди:

Мураббийлик маҳорати — учрашувга тайёргарлик кўриш ва ўйин давомида ўз тактик тамойилларини қўллай олиш қобилияти;

Услуб — жамоа ўйинининг томошабоплиги ва рақибга ўз футболини мажбуран ўтказа олиш маҳорати;

Таркибни бошқариш — футболчиларни рағбатлантириш ва жамоани бор кучини ишга солишга ундаш қобилияти;

Коммуникация кўникмалари — клуб раҳбарлари, футболчилар, ОАВ ва мухлисларда ўз лойиҳасига ишонч уйғота олиш маҳорати;

Натижалар — қўлга киритилган совринлар, юқори дивизионга чиқишлар, жамоани қуйи лигага тушиб кетишдан сақлаб қолиш ва бошқа ютуқлар;

«X фактори» — ҳайратлантира олиш ва янги ғояларни таклиф қилиш қобилияти.

Топ-20 қуйидагича:
1. Луис Энрике («ПСЖ»);

2. Пеп Гвардиола (ишсиз, сўнгги жамоаси – «Манчестер Сити»);

3. Микел Артета («Арсенал»);

4. Ҳанс-Дитер Флик («Барселона»);

5. Унаи Эмери («Астон Вилла»);

6. Жан Перо Гасперини («Рома»);

7. Хаби Алонсо («Челси»);

8. Арне Слот (ишсиз, сўнгги жамоаси — «Ливерпул»);

9. Венсан Компани («Бавария»);

10. Кристиан Киву («Интер»);

11. Оливер Гласнер («Ноттингҳэм Форест»);

12. Андони Ираола («Ливерпул»);

13. Антонио Конте (ишсиз, сўнгги жамоаси – «Наполи»);

14. Энцо Мареска («Манчестер Сити»);

15. Франсеск Фабрегас («Комо»);

16. Фабиан Ҳурцелер («Брайтон»);

17. Эрнесто Валверде (ишсиз, сўнгги жамоаси – «Атлетик»);

18. Диего Симеоне («Атлетико»);

19. Себастиан Ҳёнесс («Штутгарт»);

20. Эдди Ҳау (ишсиз, сўнгги жамоаси – «Нюкасл»).

Майкл Кэррик («Манчестер Юнайтед») 21, Жозе Моуринио («Реал») 24, Рубен Аморим («Милан») 30-поғонадан жой олган.