«Лестер» клуби сотувга қўйилди.
Ўтган мавсум якунларига кўра, «тулкилар» Чемпионшипдан Англия футболининг куч жиҳати бўйича 3-дивизиони — Лига 1га тушиб кетганди.
The Athletic хабар беришича, King Power International компанияси ва таиландлик бошқарув раиси Айяватт Сривадҳанапрабҳа «Лестер»нинг барча активлари учун 300 миллион доллар (222 миллион фунт) олишни режалаштирмоқда. Бироқ клубнинг Лига 1га тушиб кетгани ва сўнгги вақтлардаги катта молиявий йўқотишлар туфайли келишув, эҳтимол, тахминан 200 миллион долларга (148 миллион фунт) амалга оширилади.
Инвестиция банки Citigroup «Лойиҳа режаси» номли тақдимот ҳужжатини тайёрлади. Унда «Лестер» активлари, жумладан, аёллар жамоаси, академия, «Кинг Пауэр» стадиони ҳамда қиймати 100 миллион фунтга баҳоланаётган «Сигрейв» машғулот базаси батафсил кўрсатилган.
Эслатиб ўтамиз, 2010 йилда Сривадҳанапрабҳа оиласи «Лестер»ни Милан Мандаричдан 35 миллион фунтга сотиб олган. Янги эгалар даврида клуб ўз тарихида биринчи марта — 2015/16 йилги мавсумда АПЛда чемпион бўлди. 2021 йилда эса Англия кубоги ва суперкубогини қўлга киритди.
«Лестер» сотувга қўйилди
Футбол
12 август, 19:35
10 йил аввал АПЛ чемпиони бўлган, таиландликларга тегишли клуб ҳозирда учинчи дивизионда.
Foto: Getty Images
