Витиня: «Олтин тўп»ни «ПСЖ» футболчиси олса, адолатли бўлади»

«ПСЖ» яримҳимоячиси Витиня «Олтин тўп» учун асосий даъвогарлар ҳақида фикр билдирди.

«Бу йил «Олтин тўп»ни қўлга киритиши мумкин бўлган футболчилар жуда кўп. Мен учун бу совринни «ПСЖ» футболчиси олиши адолатдан бўларди: ажойиб мавсум ўтказган, айниқса Чемпионлар лигасида жуда яхши ўйнаган Кварацхелия, яна бир ажойиб мавсумни ўтказган Дембеле ёки «ПСЖ» ва Испания миллий жамоаси билан барча совринларни қўлга киритган Руис.

Мен шу уч футболчини танлаган бўлардим. Албатта, бошқа кучли футболчилар ҳам бор — Кейн, Мбаппе... Умид қиламанки, ҳеч кимни эсдан чиқариб қўймадим. Аммо мен «ПСЖ» футболчисига овоз берган бўлардим», — дея португалиялик футболчининг сўзларини келтиради RMC Sport.