"Real" bosh murabbiyi Alvaro Arbeloa "Xetafe"ga qarshi La Liganing 26-turidagi mag'lubiyat (0:1)dan so'ng jamoa chempionlik uchun kurashishda davom etishiga ishonayotganini ta'kidladi. Ayni paytda madridliklar peshqadam "Barselona"dan 4 ochkoga ortda qolmoqda.
"La Liga hali tugagani yo'q, biz oxirigacha kurashamiz. Oldinda yana qo'lga kiritish mumkin bo'lgan 36 ochko bor.
Hozir atigi 4 ochkoga ortdamiz, ularni yo'qqa chiqarishimiz mumkin. Bu — "Real". Bizning vazifamiz — qolgan 36 ochkoni qo'lga kiritish. Vigo shahridagi keyingi uchrashuvda g'alaba qozonishimiz shart.
Klubda hech kim taslim bo'lmaydi. Futbolchilarni ayblamang, natija uchun javobgarlikni men o'zimga olaman", — dedi Arbeloa.
