Улуғбек Бақоев: «Ҳисоб 2:1 бўлгач, кўпроқ ҳимояланишга ўтдик»

Суперлиганинг 17-турида «Сурхон» ва «Сўғдиёна» беллашуви ҳам бўлиб ўтди.

Охирги пайтларда ғалабалар қозониб келаётган жиззахликлар бу турда ҳам ғалабали сериясини давом эттирди. Меҳмонда бўлиб ўтган учрашувда 1:3 ҳисобида жиззаликлар ғалаба қозонди ва мухлисларни хурсанд қилди. Ўйиндан кейин ғолиб жамоа устози Улуғбек Бақоев қуйидаги фикрларни билидрди.

«Аввало, биринчи тайм ҳақида гапирадиган бўлсак. Ўйинни бошладик. Биринчи таймда «Сурхон» жамоаси устунлик қилди, улар доим биздан тезроқ ҳаракат қилди. Тўп назорати ҳам юқори бўлди. Улар гол урди, биз эса гол ўтказиб юбордик. Бу нимадан келиб чиқди?

Энг эҳтимолли сабаб — «Андижон»га қарши ўйиндан кейин тўлиқ тиклана олмаганимиз бўлиши мумкин. Шунинг учун иккинчи таймда бир қатор алмаштиришларни амалга оширдик, ўйинда қайта тузилиш қилдик. Шундан сўнг вазиятлар ярата бошладик ва чиройли голлар урдик.

2:1 ҳисобида олдинга чиқиб олганимиздан кейин табиийки, ғалабани сақлаб қолиш учун кўпроқ ҳимояланишга ўтдик. Ўйин охирида эса тезкор қарши ҳужумга чиқиб, учинчи голни ҳам урдик.

Йигитларга бугунги ўйиндаги ҳаракати, ўзини аямай майдонда курашгани ва ғалаба учун миннатдорчилик билдираман. Энди кейинги ўйинларга тайёргарлик кўрамиз», - дея Бақоевнинг сўзларини келтиради Tribuna.uz журналисти.