«Реал» дарвозабони Тибо Куртуа «Хетафе»дан учралган мағлубият учун мухлислардан узр сўради.
Ла Лиганинг 26-турида Алваро Арбелоа шогирдлари «Бернабеу»да 0:1 ҳисобида мағлуб бўлди. Қайд этилишича, беллашувдан сўнг «Реал» футболчилари орасида фақат Куртуа мухлислар олдига бориб, уларга миннатдорлик билдирган ва узр сўраган.
Marca нашрининг маълум қилишича, «қаймоқранглилар» футболчилари микст-зонада матбуот вакиллари билан мулоқот қилишдан бош тортган. Бу эса яна турли муҳокамаларни келтириб чиқарган.
