«Челси» бош мураббийи Хаби Алонсо АПЛ 1-тур доирасидаги «Фулҳэм»га қарши ўйин (3:2)дан сўнг ўз фикрларини билдириб ўтди.
«Бу ҳақиқатан ҳам жуда кескин ўйин бўлди. Сафардаги ғалабанинг қанчалик қийин эканини биламиз. Лекин биз барча қийинчиликларга бардош бердик, курашдик ва керакли вазиятларда зарур ишларни бажардик.
Эрта урилган гол бизга ишонч бағишлади. Улар ҳисобни тенглаштиргунча яна бир марта гол уриш учун имкониятларимиз бўлди.
Тўп бизда бўлмаган пайтларда ҳам анча барқарор ва ўзимизни қулай ҳис қилдик. Рақиб дарвозасига хавф солдик. Қолаверса, уч ҳужумчимиз яхши ҳамкорлик қилди ва вазиятлар яратди.
Сафарда ғалаба қозониш учун енг шимариб, курашиш ва ўз дарвозангизни ҳимоя қилиш керак. Келажакда ҳам шу ишларни қилишимиз лозим. Биз учун биринчи тур ижобий ўтди», — деди «Челси» бош мураббийи.
