16 ёшли Домингес «Атлетико» сафида Ла Лигада ўйнаган энг ёш футболчига айланди

«Атлетико» сафида 16 ёшли ҳимоячи дебют қилди.

Хорхе Домингес Испания чемпионатининг 1-туридан ўрин олган «Малага»га қарши ўйинда (2:0) мадридликлар асосий таркибида майдонга тушиб, тўлиқ ҳаракат қилди.

Испаниялик 16 ёшу 241 кунлик бўлиб, у «Атлетико» тарихида Ла Лигада ўйнаган энг ёш футболчига айланди.

Хорхе 2009 йил 21 декабрда Мадридда туғилган. Унинг отаси испан, онаси эса Конгодан.

Шу ёзда футболчи Испания U-17 жамоаси таркибида Европа чемпионатида иштирок этди. Жамоа яримфиналда Италияга пеналтилар сериясида мағлуб бўлиб, мусобақани тарк этди.

Ўтган мавсумда Домингес UEFA Ёшлар лигасида 6 та баҳсда майдонга тушиб, 1 та ассист қайд этган ва 3 та сариқ карточка олган.