Fransiya milliy jamoasi Millatlar Ligasi doirasida safarda Belgiyani minimal hisobda mag‘lub etdi — 1:0. Uchrashuvdagi yagona gol 88-daqiqada Maykl Olise tomonidan urildi.
Fransiya bosh murabbiyi Zinedin Zidan ushbu bahsda birdaniga uch nafar debyutant — Andy Diuf, Jeremi Jake va Lukas da Kunyani boshlang‘ich tarkibda maydonga tushirdi.
Opta ma’lumotiga ko‘ra, Fransiya milliy jamoasida bunday holat so‘nggi bor 2010-yil avgust oyida kuzatilgan. O‘shandan beri ilk marta jamoaning boshlang‘ich tarkibida bir vaqtning o‘zida kamida uch nafar debyutant o‘yinni boshladi.
Qayd etilishicha, 2012-yildan Fransiya milliy jamoasini boshqargan Didye Desham davrida bunday holat biror marta ham qayd etilmagan.
Ma’lumot o‘rnida, Zinedin Zidan 2026-yilgi jahon chempionatidan so‘ng shu yilning iyul oyida Desham o‘rnini egallab, Fransiya milliy jamoasi bosh murabbiyiga aylangandi.
