Italiya milliy jamoasi bosh murabbiyi Roberto Mancini Millatlar Ligasi guruh bosqichi 2-tur doirasida Turkiya ustidan qozonilgan 4:1 hisobidagi g‘alabadan so‘ng jamoasi o‘yiniga baho berdi.
«Barcha futbolchilar maqtovga loyiq. Ular ajoyib o‘yin o‘tkazishdi. Maydon holati juda og‘ir bo‘lishiga qaramay, yigitlar haqiqatan ham yuqori saviyada harakat qilishganidan mamnunman.
Ular ko‘plab jihatlarda to‘g‘ri harakat qilishdi. Futbolchilar uchun xursandman, chunki ular bunday natijaga munosib edilar», — dedi Mancini.
Mutaxassis Fransiyaga qarshi navbatdagi uchrashuv haqida ham fikr bildirdi.
«Hozir aynan shu o‘yin haqida o‘ylayapmiz. Keyin esa futbolchilarning kuchini tiklashga harakat qilamiz. Tarkibimizda hali maydonga tushmagan va kuchga to‘la futbolchilar ham bor», — dedi u.
Shuningdek, Mancini Italiya milliy jamoasida ilk o‘yinini o‘tkazgan futbolchilarning harakatlarini ham alohida e’tirof etdi.
«Birinchi o‘yin uchun ular o‘zlarini yaxshi ko‘rsatishdi. Shuning uchun ularni tabriklayman», — deya qo‘shimcha qildi italiyalik mutaxassis.
Muxlislar bu yangilikni Telegram’da muhokama qilmoqda
Izohlar Telegram’da ochiladi