Bugun, 11 iyun kuni 2026 yilgi Jahon chempionati rasman start oladi. Turnirning ochilish bahsida Meksika milliy jamoasi Janubiy Afrika Respublikasiga qarshi maydonga tushadi.
Opta statistik platformasining superkompyuteri ushbu uchrashuv uchun o‘z prognozini e’lon qildi.
Sun’iy intellekt hisob-kitoblariga ko‘ra, Meksika milliy jamoasining asosiy vaqtda g‘alaba qozonish ehtimoli 66,3 foizni tashkil etadi.
Janubiy Afrika Respublikasining g‘alabasi 14,3 foiz ehtimol bilan baholangan bo‘lsa, durang natija qayd etilish ehtimoli 19,3 foizga teng.
Eslatib o‘tamiz, bahs Mexiko shahridagi afsonaviy «Asteka» stadionida bo‘lib o‘tadi. Bu mundialning ilk o‘yini va birinchi kunidagi yagona uchrashuv hisoblanadi.
Ma’lumot uchun, Meksika va JAR o‘rtasidagi bahs Toshkent vaqti bilan soat 23:59 da start oladi.
