O‘yinda yevropaliklar ustunlikka ega bo‘lgan bo‘lsa-da, so‘nggi daqiqalarda Lopetegi shogirdlari gol urib, mag‘lubiyatdan qutulib qoldi.
Shu tariqa Qatar mundiallardagi ilk ochkosini qo‘lga kiritdi.
Ta’kidlash lozim, AQSH, Kanada va Meksika mezbonlik qilayotgan mundial Qatar milliy jamoasi uchun tarixdagi ikkinchi final bosqichi bo‘lmoqda. 2022-yil jamoa musobaqa mezboni sifatida avtomatik yo‘llanmaga ega bo‘lgandi.
Mazkur durangdan keyin Qatar va Shveysariya jamoalari ham 1 ochkodan jamg‘arishdi. Guruhning ikkinchi bahsida Kanada va Bosniya va Hersegovina ham ana shunday natija qayd etgan. Natijada, guruhning barcha vakillarida bir xil 1 ochkodan mavjud.
Ma’lumot uchun, Qatar milliy jamoasi 2-turda Kanada bilan (19 iyun), 3-turda esa Bosniya va Hersegovina bilan (24 iyun) uchrashadi. Shveysariya esa mos ravishda avvaliga Bosniya va Hersegovina (18 iyun) milliy jamoasiga qarshi, 3-turda esa Kanadaga qarshi (24 iyun) maydonga tushadi.
