Ўйинда европаликлар устунликка эга бўлган бўлса-да, сўнгги дақиқаларда Лопетеги шогирдлари гол уриб, мағлубиятдан қутулиб қолди.
Шу тариқа Қатар мундиаллардаги илк очкосини қўлга киритди.
Таъкидлаш лозим, АҚШ, Канада ва Мексика мезбонлик қилаётган мундиал Қатар миллий жамоаси учун тарихдаги иккинчи финал босқичи бўлмоқда. 2022 йил жамоа мусобақа мезбони сифатида автоматик йўлланмага эга бўлганди.
Мазкур дурангдан кейин Қатар ва Швейцария жамоалари ҳам 1 очкодан жамғаришди. Гуруҳнинг иккинчи баҳсида Канада ва Босния ва Ҳерцеговина ҳам ана шундай натижа қайд этган. Натижада, гуруҳнинг барча вакилларида бир хил 1 очкодан мавжуд.
Маълумот учун, Қатар миллий жамоаси 2-турда Канада билан (19 июн), 3-турда эса Босния ва Ҳерцеговина билан (24 июн) учрашади. Швейцария эса мос равишда аввалига Босния ва Ҳерцеговина (18 июн) миллий жамоасига қарши, 3-турда эса Канадага қарши (24 июн) майдонга тушади.
