«Манчестер Юнайтед» «Лилл»нинг белгиялик ҳужумчиси Матиас Фернандес-Пардога қизиқиш билдирмоқда. Бу ҳақда Sky Sports хабар бермоқда.
Манбага кўра, футболчининг трансфери Жошуа Зиркзеенинг келажагига боғлиқ бўлади.
Нидерландиялик футболчи ҳозирча манкунианликлар сафида ўзини тўлиқ кўрсата олмади, лекин у жамоадаги муҳитга ижобий таъсир кўрсатмоқда. Зиркзеени сотиш ҳақидаги қарор ҳали қабул қилинмаган.
Матиас Фернандес-Пардо «Андерлехт», «Мехелен», «Лилл» ва «Генк» клубларида тўп тепган. Футболчи «итлар» сафида 2024 йилнинг ёзидан буён ўйнамоқда.
Ўтган мавсумда у барча турнирлар доирасида 41 та ўйинда 8 та гол урди, 7 та ассистни қайд этди.
