38 ёшли марказий ҳимоячи ва АҚШ миллий жамоаси сардори Тим Рим гуруҳ босқич 1-тур доирасидаги Парагвайга қарши ўйиндан (4:1) кейин мусобақанинг энг ёши улуғ футболчилардан бири эканлиги ҳақидаги саволга жавоб берди.
«Мен бу ҳақда ўйламаяпман. Ҳеч қандай рекордлар ёки шунга ўхшаш нарсалар ҳақида ўйламаяпман. Тарихга кириш мен учун шараф, аммо бу ерга бунинг учун келганим йўқ. Мен футболга бўлган меҳрим ва ундан оладиган хурсандчилигим туфайли шу ердаман, йигитларимизни қўллаб-қувватлашни, уларга ёрдам беришни истайман.
Жамоа етакчиси бўлиш, умуман олганда бу жамоанинг бир бўлаги бўлиш — менга ғурур бағишлайди. Бу лаҳзаларга етиб келгунча жуда катта кўламдаги ишни амалга оширдик. Ишончли ўйин кўрсатиш, уч очкони қўлга киритиш ва мусобақадаги илк ўйинда биз буни амалга оширганимиздек ишончли ғалаба қозониш — бу айнан биз истаган нарса. Йигитларга тасанно — улар кўп нарсани биринчи бор бошдан кечиришмоқда… Жаҳон чемпионатидаги биринчи ўйинлар, биринчи голлар. Умуман олганда биз ёмон бошламадик», - дея Рим сўзларидан иқтибос келтиради ФИФА расмий сайти.
