АҚШ миллий жамоаси вингери Кристиан Пулишич жаҳон чемпионати гуруҳ босқичи 1-туридаги Парагвайга қарши ўйин (4:1)да олган жароҳати ҳақида фикр билдирди.
«Оёғимга кичик зарба бўлди. Умид қиламизки, бу жиддий эмас. Ушбу ўйинда таваккал қилмасликка қарор қилдик.
Ҳаммаси яхши бўлишига ишонаман», — дея америкалик футболчининг сўзларини келтиради Goal портали.
Маълумот ўрнида, АҚШ миллий жамоаси навбатдаги ўйинини 19 июн куни Австралияга қарши ўтказади. Қолаверса, америкаликлар гуруҳ босқичини 26 июн куни Туркияга қарши баҳс билан якунлайди.
