Мадрид «Реал» клуби ва Португалия миллий жамоасининг собиқ ҳимоячиси Пепе Мадрид клубида Моуринио штабида ишлаши мумкинлиги ҳақидаги миш-мишларга муносабат билдирди.
«Бу фақат миш-мишлар. Менда Моуринио билан ҳеч қандай суҳбат бўлгани йўқ, аммо келажакда нима бўлишини аниқ айта олмайсан. Энг асосийси, бу жамоада бирдамлик бўлиши керак, кўп нарса айнан шунга боғлиқ. Бу клуб, ишқибозлар ва футболчилар ўртасидаги алоқани мустаҳкамлайди. Моуринио — рамзий шахс, у «Реал»га олдинги шуҳратни қайтара олади», — деди Пепе AS нашрига.
Эслатиб ўтамиз, Пепе 2007 — 2017 йилларда «Реал» сафида тўп тепган ва 14 та соврин, жумладан учта Ла Лига, учта УЕФА Чемпионлар Лигаси кубогини ютиб олган. 2017 йилда «Реал»дан кетганидан сўнг, у Туркиянинг «Бешиктош» жамоасида ўйнади ва 2019 йил январ ойида «Порту»га қайтган.
