«Siti» apellyatsiya berdi: klub APL xulosasini asossiz deb hisoblamoqda

«Manchester Siti» klub moliyaviy qoidabuzarliklari bo‘yicha Angliya Premyer-ligasi chiqargan qaror yuzasidan apellyatsiya berganini ma’lum qildi.

O‘tgan hafta «shaharliklar» APLning moliyaviy qoidalarini buzish bilan bog‘liq deyarli barcha ayblovlar bo‘yicha aybdor deb topilgani haqida ma’lumot paydo bo‘ldi. 2023 yil fevral oyida liga «Siti»ni 2009 yildan 2018 yilgacha bo‘lgan davrda moliyaviy qoidalarni 115 marta buzganlikda ayblagandi. Keyinchalik The Times gazetasi gap 115 emas, balki 130 ta qoidabuzarlik haqida ketayotganini xabar qildi. Seshanba kuni esa APL klub ayblovlarning barcha bandlari bo‘yicha aybdor deb topilganini ma’lum qildi.

«Manchester Siti» futbol klubi 2026 yil 1 oktabr, payshanba kuni soat 19:00 da Premyer-liga komissiyasining intizomiy ish bo‘yicha xulosasi yuzasidan keng qamrovli apellyatsiya berganini tasdiqlaydi.

Klub APL xulosasida yaqqol va jiddiy xatolar — huquqiy, prinsipial va faktik xatolar mavjud, deb qat’iy hisoblaydi. Shuningdek, ushbu xulosani asossiz deb biladi.

Klub Premer-liga tomonidan ilgari surilgan ayblovlarni tan olmaydi. Klubda mazkur ish bo‘yicha o‘z pozitsiyasini qo‘llab-quvvatlovchi, rad etib bo‘lmaydigan dalillarning keng qamrovli bazasi mavjud.

Biz belgilangan tartib-taomillarga hurmat bilan munosabatda bo‘lishda davom etamiz va ish bo‘yicha barcha jarayonlar to‘liq yakunlanguniga qadar qo‘shimcha izoh berishdan tiyilishga majburmiz», — deyiladi «shaharliklar» bayonotida.