«Istanbul Bashakshehir» hujumchisi va O‘zbekiston milliy jamoasi sardori Eldor Shomurodov «Galatasaray» yarimhimoyachisi Aleksey Batrakovning kelajagi haqida gapirdi.
«O‘ylashimcha, Aleksey hozir Turkiyada o‘zini juda yaxshi ko‘rsatmoqda. Hammasi, avvalo, uning o‘ziga bog‘liq. Nazarimda, u Rossiya futboli uchun katta yulduzga aylanadi», — dedi Shomurodov «RIA Novosti» nashriga bergan intervyusida.
Ma’lumot o‘rnida, 21 yoshli Batrakov avgust oyida Moskvaning «Lokomotiv» klubidan «Galatasaray»ga ko‘chib o‘tgan. U Turkiya jamoasi safida 13 ta uchrashuvda maydonga tushib, 6 ta gol urdi va 3 ta assist muallifi bo‘ldi.
Eslatib o‘tamiz, bugun, 12-noyabr kuni Toshkentda O‘zbekiston va Rossiya milliy jamoalari o‘rtoqlik uchrashuvida to‘qnash keladi.
So‘ng Rossiya milliy jamoasi 17-noyabrda Venesuelani qabul qiladi. Valeriy Karpin yilning so‘nggi ikki o‘yini uchun 28 nafar futbolchini tarkibga kiritgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi