Shomurodov: «Rossiya bilan qiziqarli o‘yin bo‘ladi»

O‘zbekiston milliy jamoasi sardori Eldor Shomurodov Rossiyaga qarshi o‘rtoqlik bahsi oldidan o‘z fikrlarini bildirdi.

«Bu safargi yig‘inga ham yangi yoshlar qo‘shilgan. Milliy jamoaga doim munosiblari chaqiriladi. Yoshlarga yordam beryapmiz. Qolgani ularning o‘ziga bog‘liq.

Rossiya? Tarkibida individual jihatdan kuchli futbolchilar bor. Qiziqarli o‘yin bo‘ladi», — deya hujumchining so‘zlarini keltiradi Tribuna.uz muxbiri.

Eslatib o‘tamiz, O‘zbekiston — Rossiya bahsi 12 noyabr kuni «Paxtakor» stadionida bo‘lib o‘tadi va Toshkent vaqti bilan 20:00da start oladi.

Avvalroq milliy jamoa bosh murabbiyi Fabio Kannavaro matbuot anjumanida oldindagi oʻyin hamda oʻz kelajagi borasidagi savollarga javob bergandi.