«Barselona» Rafinyaning milliy jamoadagi o‘yin vaqtini cheklash bo‘yicha kelishuvga erishdi

«Barselona» Braziliya milliy jamoasidan Rafinyaning o‘yin yuklamasini cheklashni so‘radi.

Globo Esporte nashrining xabar berishicha, Kataloniya klubi va Braziliya futbol konfederatsiyasi (CBF) milliy jamoaning yaqinlashib kelayotgan o‘yinlarida vingerning maydonda bo‘lish vaqtini nazorat qilish ustida hamkorlikda ishlamoqda. Bu orqali futbolchining yana jarohat olishining oldini olish maqsad qilingan.

Eslatib o‘tamiz, Rafinya sentabr oyida Braziliya milliy jamoasi ixtiyorida bo‘lgan vaqtida jarohat olgan va taxminan uch hafta davomida maydonga tusha olmagandi.

Noyabr oyida «pentakampeonlar» Yaponiya (14 noyabr) va Singapurga (17 noyabr) qarshi o‘rtoqlik uchrashuvlarida ishtirok etadi. Har ikki bahs ham Singapurda bo‘lib o‘tadi.