Qozog‘iston futbolidagi eng nomdor va tajribali murabbiylardan biri Dmitriy Ogay Sports24.kz muxbiri bilan suhbatda O‘zbekiston va Rossiya milliy jamoalari o‘rtasida bo‘lib o‘tadigan o‘rtoqlik uchrashuvi haqida o‘z fikrlarini bildirdi.
«O‘zbekiston o‘z maydonida o‘ynashini hisobga olsak, menimcha, uchrashuv durang bilan yakunlanishi yoki o‘zbekistonlik futbolchilar g‘alaba qozonishi mumkin. Garchi Rossiya jamoasi ham juda kuchli bo‘lsa-da.
Shuni tushunish kerakki, o‘rtoqlik uchrashuvlari prinsipial ahamiyatga ega bo‘lmaydi. Jahon yoki Yevropa chempionati saralash bosqichidagi o‘yinlar esa butunlay boshqacha kechadi», — dedi mutaxassis.
Eslatib o‘tamiz, O‘zbekiston va Rossiya o‘rtasidagi o‘rtoqlik bahsi 12-noyabr kuni Toshkentdagi «Paxtakor» stadionida soat 20:00 da start oladi.
