«Real» darvozaboni Tibo Kurtua bosh murabbiy Joze Mourinyo bilan bog‘liq qiziqarli voqeani esladi.
Belgiyalik futbolchi portugaliyalik mutaxassisning xabarini tasodifan ikki hafta davomida javobsiz qoldirganini ma’lum qildi.
«Uning birinchi xabariga ikki hafta javob bermaganimni eslayman. Bu ataylab bo‘lmagan. O‘sha paytda biz jahon chempionatida ishtirok etayotgandik.
Mourinyo xabar yuborgan kuni samolyotda edik. Vaqt farqi va samolyotda Wi-Fi bo‘lmagani sabab bir nechta xabarni o‘tkazib yuborganman. Ularning orasida Mourinyoning xabari ham borligini bilmaganman», — dedi Kurtua.
Eslatib o‘tamiz, Kurtua va Mourinyo 2014–2015-yillarda «Chelsi»da birga ishlagan. Ayni paytda esa belgiyalik darvozabon yana portugaliyalik mutaxassis qo‘l ostida — bu safar Madridning «Real» klubida faoliyat olib bormoqda.
Avvalroq Kurtua faoliyatini «Real»da yakunlamoqchi ekani haqida gapirib o‘tgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi