«Liverpul»ning sobiq hujumchisi Emil Xeski «Real»da oʻyin amaliyoti kamayib borayotgan Trent Aleksander-Arnoldga faoliyatini «Bavariya»da davom ettirishni maslahat berdi.
«Bavariya» klubiga oʻtish Trent uchun yaxshi qadam boʻlardi. Bundesliga raqobatga boy chempionat. U yerda chempionatning eng katta klubi safida oʻynash imkoniyatiga ega boʻlardi. Bu uning uchun ajoyib tanlov boʻlishi mumkin. Garchi men uning yana «Liverpul»ga qaytishini koʻrishni istasam ham. Uning himoyachi sifatidagi oʻyinida ayrim kamchiliklar muhokama qilinadi. Ammo Trentning kuchli jihatlari bu kamchiliklardan ustun turadi. Uning hujumlarga qoʻshilishi va jamoaga hujumda beradigan foydasi ushbu kamchiliklarni koʻp marta qoplaydi», — deya Xeskining soʻzlaridan keltiradi Bayern & Germany nashri.
Eslatib oʻtamiz, Trent 2025-yil may oyida «Liverpul»dan «Real»ga koʻchib oʻtgan. Uning madridliklar bilan shartnomasi 2031-yil iyun oyiga qadar moʻljallangan.
